بعد غياب قسري بسبب ظروف خاصة ... يعود اليكم موقع شاشة سورية بادارته الجديدة لمواكبة الاعلام السوري ... انتظرونا قريبا

    المشرق أفضل قناة سورية لرمضان 2009

    شاطر

    شاشة سورية
    مديـر
    مديـر

    عدد المساهمات : 183
    تاريخ التسجيل : 29/07/2009

    المشرق أفضل قناة سورية لرمضان 2009

    مُساهمة من طرف شاشة سورية في السبت سبتمبر 19, 2009 9:29 pm

    المشرق أفضل قناة سورية لرمضان 2009





    احتلت قناة المشرق المركز الأول كأفضل قناة سورية لرمضان 2009 ضمن التصويت الذي قام به موقع شاشة سورية بنسبة 47% فيما حلت قناة شام الفضائية في المركز الثاني بنسبة 38% وجاءت قناة سوريا دراما وقناة الدنيا في المركز الثالث بنسبة 7% فيما احتلت الفضائية السورية المركز الأخير بنسبة 0% !!!

    ويأتي احتلال المشرق للمركز الأول بعد جهود كبيرة بذلتها لتقدم الأفضل للمشاهد فقد برعت المشرق بالغرافيك الذي أقل ما يمكن أن نقول عنه أنه مميز والذي يدخل المشاهد بالأجواء الرمضانية , بالإضافة إلى 5 مسلسلات من أهم المسسلسلات السورية خصوصا مسلسل طريق النحل الذي حاز على نسبة مشاهدة عالية , بالإضافة الى برنامج الطبخ ( عوافي ) والبرنامج الديني الضخم ( السيرة النبوية )

    و يبدو أن الجمهور السوري والعربي راض عما قدمته المشرق في أول رمضان يمر على القناة

    اسرة موقع شاشة سورية تبارك لقناة المشرق والعاملين فيها احتلالها للمركز الأول على الرغم من حداثة عهدها ونتمنى أن يكون صيامها مباركاً وإفطارها شهياً وعيدها مباركاً ولن ننسى في هذه المناسبة أن نتقدم بالشكر والتهاني لقسم الإبداع في تلفزيون المشرق الذين بذلوا جهوداً كبيرة حتى يظهروا القناة بهذا الشكل الجميل .



    شاشة سورية

    عاشق اسبانيا
    عضو
    عضو

    عدد المساهمات : 94
    تاريخ التسجيل : 11/08/2009

    رد: المشرق أفضل قناة سورية لرمضان 2009

    مُساهمة من طرف عاشق اسبانيا في الأحد سبتمبر 20, 2009 1:37 am

    وأحلى تحية الى أحلى قناة سورية بتبيض الوجه اذا من اول سنة وكانت متألقة كيف بكرا لقدام .....
    غير الأخبار اللي سمعناها عن القناة والحرب الاعلامية والنفسية اللي سنت على القناة بس حافظت على القها
    قناة الدنيا دائما بتسخم الوج ما هيي أصلا قناة تالتة للتلفزيون العربي السوري
    سورية دراما ما كان فيني تابعا وما تحملت شوفا لردائة صورتا وصوتا
    شام نزعتلي بفلات التلفزيون من صوت الدعايات العالي وصوت المسلسلات الواطي
    بس حرام ما تاخد الفضائية السورية شي مركز متقدم والله كانت حلوة برمضان

    شاشة سورية
    مديـر
    مديـر

    عدد المساهمات : 183
    تاريخ التسجيل : 29/07/2009

    رد: المشرق أفضل قناة سورية لرمضان 2009

    مُساهمة من طرف شاشة سورية في الإثنين سبتمبر 21, 2009 2:24 pm

    كلامك مزبوط يا عهد بس الفضائية السورية تراجعت نسبة مشاهدتها

    عاشق اسبانيا
    عضو
    عضو

    عدد المساهمات : 94
    تاريخ التسجيل : 11/08/2009

    رد: المشرق أفضل قناة سورية لرمضان 2009

    مُساهمة من طرف عاشق اسبانيا في الإثنين سبتمبر 21, 2009 10:40 pm

    شفت يا زياد قناة شام رجعت لسلسلة حكايا المرايا و بكرا بيحطوا ابناء القهر وقتل الربيع والخشخاش
    يعني رجعنا عالملل والمقت والكلام اللي طلع عن قناة شام انها رح ترجع بقوة طلع كذب بكذب
    مو قلتلك اللي بيكذب مرة بيكذب كل مرة وما صدقتني
    وبكرا قناة الدنيا بترجع لأخبار الدونيا الدقيقة والتقارير العشوائية ومسلسل الو جميل الو هناء ومسلسل الفصول الأربعة و ذكريات الزمن القادم
    أنا حذفت قناة شام من أول يوم العيد ورح نزلها برمضان الجاي

    شاشة سورية
    مديـر
    مديـر

    عدد المساهمات : 183
    تاريخ التسجيل : 29/07/2009

    رد: المشرق أفضل قناة سورية لرمضان 2009

    مُساهمة من طرف شاشة سورية في الإثنين سبتمبر 21, 2009 11:09 pm

    عهد للتوضيح فقط مرايا الذي عرض هو مختارات من مرايا كما عملت قناة الدنيا بمسلسل بقعة ضوء حيث اختارت لوحات معينة وعرضته

    وللتنويه بس بدي خبرك انو حاليا مارح تشوف شي جديد لحتى تتم التسوية وبس تصير التسوية رح يتغير كل شي ان شاء الله

    حاليا لا جديد حتى التسوية

    عاشق اسبانيا
    عضو
    عضو

    عدد المساهمات : 94
    تاريخ التسجيل : 11/08/2009

    رد: المشرق أفضل قناة سورية لرمضان 2009

    مُساهمة من طرف عاشق اسبانيا في الثلاثاء سبتمبر 22, 2009 6:05 pm

    وهاي قناة الدنيا رجعت تحفنا برائعة دريد لحام ((عودة غوار)) وبكرا بتطوشنا بمسلسل ((ضيعة ضايعة))

    ???? ???
    زائر

    رد: المشرق أفضل قناة سورية لرمضان 2009

    مُساهمة من طرف ???? ??? في الثلاثاء سبتمبر 22, 2009 7:35 pm

    بتستاهلي يا احلى قناة سورية

    ghaisssh
    زائر

    الدنيا الافضل

    مُساهمة من طرف ghaisssh في الأربعاء سبتمبر 23, 2009 9:56 am

    من وين لوين حتى تقولوا انو قناة المشرق افضل قناة ليش بثت شي غير المسلسلات وبرامج غبية بينما قناة الدنيا بثت احلى المسلسلات والبرامج متل )من الموجود جود و برنامج منا وفينا و برامج دينية رائعة وبرنامج كاميرابيع و برنامج شو عم يصير برمضان) اكيد كلكون بتعرفوا انو قناة الدنيا الافضل دائما عندا شي جديد اما المشرق رجعت على البرامج البايخة مع اعادتها باليوم مليون مرة وبيكفي فخر انو قناة الدنيا اول قناة سورية حطت برنامج منوع )من الموجود جود( ولم تعيد المسلسلات باليوم الواحد مية مرة

    ghaisssh
    زائر

    الدنيا الافضل

    مُساهمة من طرف ghaisssh في الأربعاء سبتمبر 23, 2009 10:13 am

    انا بعتقد انو انتوا تابعين للمشرق و ما عندكون مصداقية انا وكل اللي بعرفون ما تابعنا المشرق برمضان ابدا لانو ما في شي حلو عليها اما الدنيا تابعنا عليها (اخر ايام الحب -بقعة ضوء- صبايا- باب الحارة-الدوامةوغيرو كتير واكيد لو انو مو الدنيا الافضل و الاكثر شعبية و متابعة ما كانت سيريتيل اختالرتها لبرنامج الجوائز بعد الافطار وما كانت شركةMTN قامت برعاية برامجها ومسلسلاتها وانتو شفتو الدنيا بالعيد كيف عملت لقاءات مع الممثلين اما المشرق حطت برامج مدبلجة بتقرف وعادتها مليون مرة

    ghaisssh
    زائر

    الدنيا الافضل

    مُساهمة من طرف ghaisssh في الأربعاء سبتمبر 23, 2009 10:14 am

    انا بعتقد انو انتوا تابعين للمشرق و ما عندكون مصداقية انا وكل اللي بعرفون ما تابعنا المشرق برمضان ابدا لانو ما في شي حلو عليها اما الدنيا تابعنا عليها (اخر ايام الحب -بقعة ضوء- صبايا- باب الحارة-الدوامةوغيرو كتير واكيد لو انو مو الدنيا الافضل و الاكثر شعبية و متابعة ما كانت سيريتيل اختالرتها لبرنامج الجوائز بعد الافطار وما كانت شركةMTN قامت برعاية برامجها ومسلسلاتها وانتو شفتو الدنيا بالعيد كيف عملت لقاءات مع الممثلين اما المشرق حطت برامج مدبلجة بتقرف وعادتها مليون مرة

    عاشق اسبانيا
    عضو
    عضو

    عدد المساهمات : 94
    تاريخ التسجيل : 11/08/2009

    رد: المشرق أفضل قناة سورية لرمضان 2009

    مُساهمة من طرف عاشق اسبانيا في الأربعاء سبتمبر 23, 2009 4:47 pm

    أخ ghaisssh مو مهم رمضان روح شوف هلق حبيبة قلبك الدونيا شو عم تحط (( عودة غوار)) وبكرا نساء صغيرات وتقارير عشوائية
    لأ واللي بيضحك أنو بيحطوا أخبار الساعة 4 عصرا وأخبار رياضية الساعة 11 بالليل ونشرة الطقس 3 ونص بالليل
    بكره الدنيا بكرها بكرها والله مو بايدي

    شاشة سورية
    مديـر
    مديـر

    عدد المساهمات : 183
    تاريخ التسجيل : 29/07/2009

    رد: المشرق أفضل قناة سورية لرمضان 2009

    مُساهمة من طرف شاشة سورية في الأربعاء سبتمبر 23, 2009 7:04 pm

    اخي الكريم النتيجة كانت ضمن تصويت والاغلبية في الاصوات كانت للمشرق واذا انت ترى بأن الدنيا افضل لماذا لم تصوت لها !!! نحنا ما مضطرين نغير النتيجة كرمال عيونك وعيون الدنيا
    وهاي رابط نتائج التصويت اطلع عليها بنفسك

    http://shashasouria.homegoo.com/montada-f1/topic-t107.htm

    تانيا : بخصوص اعادة المسلسل مية مرة باليوم معلش اخي انت والدنيا ما بيطلعلكن تحوا لانو ما نسينا من مرة كانت الدنيا تعيد المسلسل اللي كانت تحطو ... 4 مرات باليوم !!!!


    ثالثا : نحنا ما تابعين للمشرق نحنا تابعين لانفسنا وسؤالي لك لو ان النتيجة كانت للدنيا هل ستقول نحنا تابعين للدنيا ام انك ستقول موقع رائع ومصداقيتكن عالية ومن هالكلام الفاضي !!!!!


    رابعا : يعني انت ورفقاتك مقياس ممكن نشتغل عليه !!!! على اي اساس عم تقول ما عنا مصداقية وعلى اي اساس عم تعتبر المشرق ليست قناة جيدة بس لانو انت ورفقاتك ما تابعتوها ؟؟؟!!!! ليش افضل قناة سورية تقاس باللي انت ورفقاتك عم تتابعوه !!!! منطق غريب جدا !!!

    خامسا : اذا انت تابعت عالدنيا صبايا السخيف واخر ايام الحب وما بعرف شو يعني صارت الدنيا افضل قناة سورية !!!!هههههههههه شو هالمنطق حبيبي نحنا تابعنا عالمشرق قلوب صغيرة وبيت جدي والدوامة وقلبي معكم وطريق النحل


    اما بالنسبة ل mtn الشركة ذاتها رعت مسلسلات شام ليش ما قلت شام افضل قناة سورية بعدين افضل قناة لا تقاس ب mtN وسيريتل وكم مسلسل رعت !!!

    اما بالنسبة لبرنامج سيريتل ممكن تقلي شو الفائدة العلمية اللي بقدما البرنامج غير انو بيعطينا ارقام تلفونات !!!!!!!!

    الدمشقي
    عضو
    عضو

    عدد المساهمات : 25
    تاريخ التسجيل : 10/08/2009
    العمر : 27

    رد: المشرق أفضل قناة سورية لرمضان 2009

    مُساهمة من طرف الدمشقي في الخميس سبتمبر 24, 2009 10:23 am

    يمكن السيد إلي عم يدافع عن الدنيا عاجبتو الأخطاء إلي كانت فيها من ( تشاهدون الآن الجزء الخامس من باب الحار ) إلى ( شاهدوا بقعة ضوء خلال شهر رمضان في الأوقات التالية و نحنا صرنا بأول أيام العيد ) أضف على ذلك كانوا لا يملكون مقدار ذرة من ذوق لما كانوا بيئطعوا المسلسل و الممثلين عم يحكوا ليحطوا إعلان و ما بيستنوا ليخلص المشهد .... أنا شخصيا بعتلن إيميل و نبهتن على هالحال ( المغفول عنه ) و هددتن بتسليط الصحافة عليهن لحتى زاقوا على حالن بس بعد شووووو ؟؟!! فعلا فعلا إلي قال إنو هالقناة تابعة للتلفزيون السوري صدق ... و إلي مو مصدق ينزل على ساحة الأمويين و يشوف يعينو .

    micho
    زائر

    رد: المشرق أفضل قناة سورية لرمضان 2009

    مُساهمة من طرف micho في الخميس سبتمبر 24, 2009 1:41 pm

    ايضا كان هناك خطأ فادح يدل على مدى غباء قناة الدنيا
    في رمضان وضعوا على الموقع الالكتروني للدنيا برنامج واحل الله البيع ضمن فئة الدراما !!!!

    بزمتكن في حدا بيعمل هيك !!!!

    الدمشقي
    عضو
    عضو

    عدد المساهمات : 25
    تاريخ التسجيل : 10/08/2009
    العمر : 27

    رد: المشرق أفضل قناة سورية لرمضان 2009

    مُساهمة من طرف الدمشقي في الخميس سبتمبر 24, 2009 7:35 pm

    يخرب بيت هالقناة .. أكيد موظفين المرحومة ( إلي الله لا يردا ) القناة التانية كلن فيها .... طبعا هيك قناة بتناسب محسن بلال و سياستو و نظرتو للمستقبل ...

    ghaisssh
    زائر

    الدنيا الافضل

    مُساهمة من طرف ghaisssh في الجمعة سبتمبر 25, 2009 10:45 am

    مبين انتو عنجد تابعين للمشرق روحوا شوفو شو عم تحط برامج مدبلجة (العادات التي اكرهها فيكي - مطاعم فاخرة - وبرنامج الكاميرا الخفية اللي تابعناه مليون مرة وبالنسبة للي عم يحكي على اخبار الدنيا اخبار الدنيا بتطلع الساعة 11 ثم 4 ثم 8 ثم 11مساء وعلى رأس الساعة في موجز دائما و لعاشق اسبانيا الدنيا رح تطلع( احقاد خفية اهل الغرام عودة غوار)والدنيا عادت افلامها بالعيد وبعدو ( مرةواحدة )اما المشرق فعادت فلمين لدريد لحام مدري كم مرة باليوم نفسو وباليوم التاني اما المشرق بكرا بتعيد( فلم الشلال للمرة الرابعة وحلقات بيت الكوابيس)

    Micho
    زائر

    رد: المشرق أفضل قناة سورية لرمضان 2009

    مُساهمة من طرف Micho في الجمعة سبتمبر 25, 2009 5:03 pm

    خي الكريم ليش كل واحد بيمدح بالمشرق بتعبروا تابع للمشرق ؟؟؟ طيب مين بدنا نمدح ؟؟؟ الدنيا اللي رح تعرض حصريا عودة غوار للمرة العشرطعش !!! ولا احقاد خفية اللي حفظناه بصم من ورا قناة شام ولا اهل الغرام اللي انصرعنا فيه ؟؟ كتير فخور بهالمسلسلات العايفة التنكة !!!!!


    ملاحظة : ما يعرض الان عالمشرق مجرد تمريق وقت والدورة الجديدة ستبدأ غدا السبت مع برامج جديدة

    قصة مدينة
    بيت المونة
    o r برنامج طبي

    بالاضافة لبرامج لايف

    برنامج رياضي لايف
    برنامج سياسي وبرامج اخرى

    تقبل تحياتي اخي

    شاشة سورية
    مديـر
    مديـر

    عدد المساهمات : 183
    تاريخ التسجيل : 29/07/2009

    رد: المشرق أفضل قناة سورية لرمضان 2009

    مُساهمة من طرف شاشة سورية في الجمعة سبتمبر 25, 2009 5:35 pm

    خلص اذا هاد رأيك انت حر لانو ماني عارف شو بدي احكي

    ولحتى ما تزعل انا هلأ حنزلك مقال مديح بقناة الدنيا وبانفرادها التام والحصري من بين كل القنواتا العربية بعرض العمل العالمي عودة غوار والملحمة احقاد خفية والاسطورة اهل الغرام و العمل الاكثر جماهيرية على حافة الهاوية وبهالحالة منكون تابعين لتلفزيون الدنيا هههههههه

    شاشة سورية
    مديـر
    مديـر

    عدد المساهمات : 183
    تاريخ التسجيل : 29/07/2009

    رد: المشرق أفضل قناة سورية لرمضان 2009

    مُساهمة من طرف شاشة سورية في الجمعة سبتمبر 25, 2009 5:37 pm

    مشكور اخي ميشو عالمعلمومات بخصوص البرامج الجديدة للمشرق والقناة هلأ عم تعرض اعلانات البرامج الجديدة

    ghaisssh
    زائر

    الدنيا الافضل

    مُساهمة من طرف ghaisssh في السبت سبتمبر 26, 2009 8:24 am

    برامج الدنيا بلا اسوار- مكاشفات اقتصادية- حكايا سينيما- قصص اخبارية- الدنيا ميوزك- اسم من الاخبار- حكايات اجتماعية -حكايا فنية -قصص اقتصادية و غيرا) ولميشو بقول يعني مسلسل زهرة النرجس احسن نص الفضائيات بثيتو وبيت الكوابيس حفظناه بصم من ورا mbc و المشرق ولا ننسى الافلام التركية التي صرعتنا فيها بس للامانة ما حدا في ينكر انو بداية المشرق كانت مميزة ببرامجها و بافكارها

    الدمشقي
    عضو
    عضو

    عدد المساهمات : 25
    تاريخ التسجيل : 10/08/2009
    العمر : 27

    رد: المشرق أفضل قناة سورية لرمضان 2009

    مُساهمة من طرف الدمشقي في السبت سبتمبر 26, 2009 11:58 am

    لاء والله منيح إلي بتعرف إنو المشرق ببدايتا كانت مميزة .... ما نحنا ليش وائفين عمندافع عنها ؟؟ لإنو كانت مميزة و بدنا ياها ترجع مميزة ... و هلأ بعد ما تسكر المكتب بدمشق و انتقل كل طاقم القناة للدنيا ... خلينا نشوف تميز الدنيا عن المشرق ... على فكرة .. الدنيا قررت و أخيرا و بعد مرور 3 سنين على إقلاعا إنو تطلع من غرفة الأخبار و تفوت لإستديو الأخبار ...... والله تطور مبهر..

    Micho
    زائر

    رد: المشرق أفضل قناة سورية لرمضان 2009

    مُساهمة من طرف Micho في السبت سبتمبر 26, 2009 5:38 pm

    اخي برنامج بلا اسوار ومكاشفات اقتصادية يقدم من مكاتب القناة ومن مكاتب الموظفين ولا يوجد لاهذه البرامج استديوهات خاصة

    الدنيا ميوزك لا يوجد له استديو انما الكارثة الكبرى هو ان القناة تضع خلفية ورا المذيعة وهاد اسلوب جدا قديم كان يتبعو التلفزيون السوري ومازال وهالشي بيدل على ان الدنيا والتلفزيون السوري اخوة

    لا يوجد برنامج قصص اخبارية
    اسم من الاخبار تخجيلة بكل معنى الكلمة فمافي داعي نحكي عن غرافيك هالفقرة المملة
    لا يوجد برنامج اسمه حكايات اجتماعية
    لا يوجد برنامج اسمه حكايا فينة
    لا يوجد برنامج اسمه قصص اقتصادية

    من وين طلعتلي بهالبرامج ما عم اعرف !!!

    ومن ثم زهرة النرجس افضل بكثير بكثير من عودة غوار واحقاد خفية واهل الغرام على الاقل زهرة النرجس انتاج 2008 اما مسلسلات الدنيا كلها لما قبل 2008 عدا عن اننا حفظنا بصم عودة غوار و اهل الغرام واحقاد خفية التي لم تبقى فضائية الا وعرضته

    ويكتر خيرك انك اعترفت بتميز المشرق

    Micho
    زائر

    رد: المشرق أفضل قناة سورية لرمضان 2009

    مُساهمة من طرف Micho في السبت سبتمبر 26, 2009 5:43 pm

    اخ يا اخي الدمشقي اخ

    صرعونا بغرفة هالاخبار ولك كأنن طلاب جامعة واخدين غرفة بالمدينة الجامعية

    لأ والغرفة مسكونة معباية دبان وبرغش !!!!! تصور اكتر من مرة شفت المذيعة هي وعم تلقي الخبر والحشرات عم تتجول بالغرفة والمذيعة عم تكش دبان قسما بالله شفتا

    يا حرام ما معن مية ليرة يشتروا اقراص ضد الحشرات الطائرة !!!!!!


    يالله اذا متل ما عم تقول انن قرروا يطلعوا من الغرقة بكرى بيفوتوا عالصالون Razz او ممكن يطلعوا عالبرندة بهالواء الطلق Razz بس ما يقربوا عالحمام Laughing

    الدمشقي
    عضو
    عضو

    عدد المساهمات : 25
    تاريخ التسجيل : 10/08/2009
    العمر : 27

    رد: المشرق أفضل قناة سورية لرمضان 2009

    مُساهمة من طرف الدمشقي في الأحد سبتمبر 27, 2009 10:03 am

    لاء ويمكن يجوعوا نئوم نلائين بالمطبخ عميئلوا بيض و على قولة ( أخبار الدنيا طازة .... طازة من المطبخ ..... طازة ) هي بعد ما يلغوا ( أخبار الدنيا بدقيقة ) ....

    الدمشقي
    عضو
    عضو

    عدد المساهمات : 25
    تاريخ التسجيل : 10/08/2009
    العمر : 27

    رد: المشرق أفضل قناة سورية لرمضان 2009

    مُساهمة من طرف الدمشقي في الأحد سبتمبر 27, 2009 10:08 am

    تلفزيون المشرق عامل استفتاء عن أفضل شاشة سورية برمضان و الغريب إنو قناة شام آخدة الصدارة لحد هلأ ما بعرف ليش .... يمكن لإنو 80 مليون مصري فايتين على موقع المشرق و عميصوتوا ... مو بعيدة ...

      الوقت/التاريخ الآن هو الإثنين ديسمبر 18, 2017 5:22 am