بعد غياب قسري بسبب ظروف خاصة ... يعود اليكم موقع شاشة سورية بادارته الجديدة لمواكبة الاعلام السوري ... انتظرونا قريبا

    Orient في رمضان ... كما تحبها

    شاطر

    شاشة سورية
    مديـر
    مديـر

    عدد المساهمات : 183
    تاريخ التسجيل : 29/07/2009

    Orient في رمضان ... كما تحبها

    مُساهمة من طرف شاشة سورية في الإثنين يونيو 28, 2010 11:56 am

    Orient في رمضان ... كما تحبها



    خاص شاشة سورية : تحت شعار كما تحبها تنطلق قريبا الدروة الرمضانية لقناة الاورينت بمجموعة من اقوى الاعمال السورية لهذا العام حيث سيعرض على شاشتها العمل الجماهيري الكبير باب الحارة بجزئه الخامس من بطولة صباح الجزائري وقصي خولي , ضيعة ضايعة في جزئه الثاني من بوطلة باسم ياخور ونضال سيجري والذي سيعرض عند الافطار حسب التوقيت السوري , أسعد الوراق من بطولة منى واصف وامل عرفة , و مسلسل وراء الشمس بالاضافة الى مسلسل مصري يتم التفاوض عليه
    وعلم موقع شاشة سورية بأن عدد المسلسلات سيرتفع وهناك مفاوضات على عدة اعمال جديدة يعلن عنها في الوقت المناسب
    هذا وسوف تبدأ الاورينت خلال الايام القادمة ببدء بث الاعلانات على شاشتها , وسوف تبدأ بالاعلان في شوارع مدينة دمشق عن اعمالها وبرامجها الرمضانية حيث سيكون هناك برنامج مسابقات بالاضافة الى برنامج للطبخ .

    [size=24]خاص شاشة سورية

    ????
    زائر

    رد: Orient في رمضان ... كما تحبها

    مُساهمة من طرف ???? في الأربعاء يونيو 30, 2010 1:27 pm

    خبر كتير حلو
    اعمال قوية جدا من اورينت

    شكلها هالسنة فايتا فوتتا
    ان شاء الله موفقة
    بس شو مشان شام ؟

    ????
    زائر

    رد: Orient في رمضان ... كما تحبها

    مُساهمة من طرف ???? في الخميس يوليو 01, 2010 12:24 am

    بس يارب ما يطلع شي يخرب كل هالشغل
    انا بعرف اديش عم يتعبوا ان شاء الله ما يطلع شي يخرب شغلن وان شاء اله تعبن يجيب نتيجة

    ????
    زائر

    Orient في رمضان ... كما تحبها

    مُساهمة من طرف ???? في الخميس يوليو 01, 2010 3:25 pm

    أكبر تقايد لتلفزيون الدنيا

    فبعد عرض الدنيا لباب الحارة العام الماضي

    وحصولها على نسبة مشاهدة عالية

    هاهي أورينت تشتري العمل لجلب الأعلانات

    بس أحب أنوه أن الدنيا كسبت المشاهدة و الاعلان لانها حافظت على هويتها السورية


    وأعتزت بها


    و ليس كما فعلت أورينت يلي مرة مصرية مرة خليجية و مو عرفانا الله وين حاطها


    والشيء الوحيد يلي يميزها هو الغرافيك


    بس هل السنة الدنيا رح تبث أهل الراية


    و أنشاء الله راح تتفوق على أورينت غسان عبود

    ?????
    زائر

    رد: Orient في رمضان ... كما تحبها

    مُساهمة من طرف ????? في الخميس يوليو 01, 2010 7:00 pm

    واضح انو اورينت هالسنة مزبطة وضعا برمضان
    المسلسلات قوية واختارت وش السحارة
    بس سؤال : كيف بدا تعلن ب\مشق وهي ممنوعة بسوريا ؟

    ?????
    زائر

    رد: Orient في رمضان ... كما تحبها

    مُساهمة من طرف ????? في الخميس يوليو 01, 2010 7:08 pm

    اخ محمد
    مع احترامي الك بس كل كلامك غلط وما بيفوت بالعقل
    ليش تقليد للدنيا !! كيف يعني فسرلي هي ما فهمتا !!! واشمعنى الدنيا بالذات !!!
    يعني اذا قناة عرضت مسلسل سبق وقناة تانية عرضتو او عرضت جزء قديم منو معناتا ما القناة التانية عم تقلد الاولى !!
    اذا متل ما عم تقول على هالحالة الدنيا كانت عم تقلد التلفزيون السوري اللي عرض باب الحارة 4

    وكانت عم تقلد قناة نسمة المغربية اللي كمان عرضت الجزء وكانت عم تقلد الليبية مدري الشبابية وكانت وكانت وكانت الخ
    بعدين عم تقول مشان المشاهدة والاعلانات ... برايك قناة تلفزيونية شو بهما غير الاعلانات ؟!! اكيد مو فاتحتا عسواد عيوننا
    وهاد حقا الطبيعي وبالطرق اللي بدا هي
    انا معك ان الدنيا نجحت لانها حافظت على هويتا السورية
    بس ارجع لايام زمان لما كانت اورينت سورية وين كانت الدنيا وقتا ؟!!!! وارجع واتذكر الاحداث اللي صارت من اغلاق مكاتب وتعهدات والخ اكيد انت بتتذكر
    طيب القناة طلعوها من سوريا شو تعمل بحالها .؟!! تسكر المشروع يعني ؟؟!!! انت اذا كنت على سفينة وحدا رماك من السفينة عالبحر
    شو بتعمل انت ؟؟ بتسبح او بتحاول تسبح لتبقى قدر الامكان عايش ؟!! ولا بتموت ؟!! ( بعيد الشر عنك )
    اخيرا ما فينا نقول مين تفوق عمين لحتى ينتهي شهر رمضان ووقتا منحكم
    بعتذر عالاطالة بس وجب التعليق على كلامك

    ????
    زائر

    رد: Orient في رمضان ... كما تحبها

    مُساهمة من طرف ???? في الخميس يوليو 01, 2010 9:23 pm

    ليش باب الحارة حلال عالدنيا حرام عالاورينت !!!
    بالتوفيق للدنيا والاورينت
    وشكرا شاشة سورية

    ???? ??
    زائر

    الى امينو

    مُساهمة من طرف ???? ?? في الجمعة يوليو 02, 2010 4:03 pm

    اخي امينو شو بدنا بالماضي نحنا هلق بالحاضر والدنيا عليها كتير برامج حلوه ومنوعه وبتخدم وبتسلي السوريين اما اورينت حاليا فهي صفر على الشمال وهذا واضح
    اما بالنسبه لاورينت بسوريا فبقلك Rolling Eyes كيف بدي تابع برنامج كل ضيوفه خليجيين وبيحكو خليجي فاناسوري وبدي ناس سوريين متلي Crying or Very sad وكمان كيف بدها القناة تتفاعل مع النشاطات الي عم تحصل بسوريا من حيث النشاطات الاجتماعيه و الفنيه والسياسيه كيف ؟؟؟
    بهال الحاله م انا بقى قناة سوريه لانو ما فيها غير المسلسلات ومتل ما بتعرف امينو اي قناة فيها تشتري مسلسلات سوريه Twisted Evil Twisted Evil اسف عالاطاله

    ?????
    زائر

    رد: Orient في رمضان ... كما تحبها

    مُساهمة من طرف ????? في الجمعة يوليو 02, 2010 7:26 pm

    اخي الكريم هاي انت لحالك عم تسال كيف
    اذا المكتب اللي كان من خلالو تنتقل سوريا عالشاشة تسكر !! كيف ؟؟
    وانا معك انها صفر عالشمال بس لازم ندعما لانو انظلمت
    وهي اكيد لو بايدا ما بتترك سوريا بنوب لانو كان السبب الرئيسي لنجاحا
    وان شاء الله الا ما تنحل قصتا وترجع الاولى باذن الله
    اما بالنسبة للدنيا فعلى الرغم من بعض الامور الفاشلة بهالقناة بس انا معك انها عم تقدرم شغلات حلوة
    بس مو كل شي عليها بينحضر بس في كم شغلة

    ????
    زائر

    رد: Orient في رمضان ... كما تحبها

    مُساهمة من طرف ???? في الجمعة يوليو 02, 2010 9:05 pm

    الصراحة
    اورينت هلا ما بتنشاف بنووب بنووب
    برامجا اقل من عادية يعني صارت متلا متل الديرة وانفينيتي
    انا مقدر اللي صار معا
    بس كان فينا على الاقل تحط شوية نكهة سورية بالبرامج مثلا شارع الصحافة شو بتخسر لو كان البرنامج عن الصحف السورية
    برنامج صباحي من بيروت ببيقدروا يجيبو ناس من سوريا بكل سهولة بيروت رمية حجر عن الشام
    كل قناة عربية مستند على هوية معينة مع برامج لبقاي العرب
    بس اذا بتتفرج على اورينت ما بتلاقي هوية معينة ابدا
    اتمنى ان تنحل مشكلتا وترجع لسوريا لانو برا ما نجحت
    بالنسبة لرمضان الاعمال اللي اخدتا قوية واقوى من اعمال الدنيا
    بس يا اورينت ما بدنا نسخة عن شام برمضان بتحلقوا وبعد رمضان بترجعوا بتنزلو
    هاد انتقاد من شخص محب

    ?????
    زائر

    رد: Orient في رمضان ... كما تحبها

    مُساهمة من طرف ????? في السبت يوليو 03, 2010 9:56 am

    الاخ محمد عم يحكي مزبوووط مع الاسف اورينت صارت صفر عالشمال وانا بوافقو الراي باللي قالو بس انا بخالفك يا اخ محمد بانو حصولها عباب الحارة تقليد للدنيا لانو باب الحارة مو حكر عالدنيا
    الله يوفق الدنيا واورينت وشكرا شاشة سورية

    MhAmMeD
    زائر

    خسارة

    مُساهمة من طرف MhAmMeD في السبت يوليو 03, 2010 2:16 pm

    أنا بلاقي برامج الاورينت الحالية تافهة و بلا أي ابداع
    معتمدين على الأفكار العادية و القديمة ما في شي جديد بس انشالله يكونوا برامج مؤقتين و البرامج الجديدة يكونوا أحسن
    مشان مسلسل باب الحارة هالشغلة ما حبيتها من الأورينت كنت متمني يلفتوا أنظار العالم بشي جديد أو برامج مميزة مو يعتمدوا على نجاح في ميت قناة تافهة متل الدنيا صاروا معتمدين عليه مشان يبينوا
    و يا ريت ترجع الأورينت متل ما كانت برامج حلوة و ابداع

    ??? ????
    زائر

    رد: Orient في رمضان ... كما تحبها

    مُساهمة من طرف ??? ???? في السبت يوليو 03, 2010 4:55 pm

    خلونا نشيل العاطفة على جنب
    انا واحد من اللي بيحبو الاورينت بس ر ح احكي هلا من دون عاطفة
    مع الاسف الانطلاقة الجديدة للمحطة كانت مخيبة للامال والحملة الاعلانية اللي رافقت الانطلاقة ما بتتناسب مع هيك برامج اقل من عادية
    يعني طبلوا الدنيا وامتلت شوارع معظم الدول العربية باعلانات للاورينت وبالاخير بتطلع ب8 برامج ما فيها شي مميز بنوب

    يعني هيك انطلاقة كان لازم تكون لانطلاقتن الاولى بسورييا مو الانطلاقة التانية العادية
    هلا برمضان شايف انو عم تحاول تقدم شي يميزها عن غيرا من خلال استحوواذها على اقوى الاعمال السورية لهالعام متل باب الحارة بجزئه الاخير واسعد الوراق وغيرن
    بالنهاية بتمنى اذا ما زبطت امورا بسوريا تقدم شي مميز برا

    ???
    زائر

    الى امينو

    مُساهمة من طرف ??? في السبت يوليو 03, 2010 8:21 pm

    اذا انا وياك متفقين وعفكره انا كنت من اكثر الناس المشجعين للاورينت No ....
    ولسوالك بقلك انو لحد هلق الاورينت ما وضحت سبب الاغلاق فعالم بتقول ما عندها ترخيص وعالم قالو بسبب حكايه سوريه scratch بصراحه انا ما بعرف ليش اذا بتعرف خبرني Crying or Very sad
    كما اني بعتذر عالتاخير كان عندي ظرف طارئ اعذرني Laughing

    ???
    زائر

    الى مدير شاشه سوريه

    مُساهمة من طرف ??? في السبت يوليو 03, 2010 8:31 pm

    مدير شاشه سوريه اني منذ فتره احاول التسجيل بموقعكم المميز لكني اتفاجئ برساله تقول ان المدير منع التسجيل Suspect ؟؟؟؟؟ فهل يجوز هذا وخاصة ان امعظم المواقع تقوم بتسهيل هذه العمليه عكس موقعكم فلماذا وكيف يمكنني التسجيل على الموقع ؟؟؟؟
    وتقبل خالص شكري لهذا الموقع المميز
    اتمنى اجابتي على هذه الصفحه

    ?????
    زائر

    رد: Orient في رمضان ... كما تحبها

    مُساهمة من طرف ????? في الأحد يوليو 04, 2010 1:25 am

    هلا سبب الاغلاق صار معروف غريب كيف ما بتعرف السبب لهلا
    نحنا في امور متفقين فيا بس انا وشايف انو اكتر من واحد مخالفينك بموضوع باب الحارة
    رح قلك هي انا احد العاملين بالمسلسل وهالسنة حيكون اقوى حزء مع عودة ابو عصام وتسكيرة الباب

    ?????
    زائر

    رد: Orient في رمضان ... كما تحبها

    مُساهمة من طرف ????? في الأحد يوليو 04, 2010 1:29 am

    وبرجع بقول يا جماعة
    باب الحارة هالسنة اقوى عمل واورينت اخدتو حتكون ضربة
    المسلسل جماهيرته على مدى 5 سنين المسلسل الاعلى جماهيرية ووصل المسلسل للعالمية
    وهالسنة الكل حيتابع باب الحارة بدووووون استثناء لانو اخر جزء والكل حابب يعرف شو نهاية هالقصة

    ???
    زائر

    الى امينو

    مُساهمة من طرف ??? في الأحد يوليو 04, 2010 2:16 pm

    مين قلك انو انا ضد باب الحاره Sad بالعكس انا رح تابعو برمضان وهادا اكيد
    بس مو غريب تاخدو اورينت وهو من انتاج ام بي سي Question يعني العالم رح تحضرو على ام بي سي فيمكن يتاخر عرضو عللى اورينت Mad

    ?????
    زائر

    رد: Orient في رمضان ... كما تحبها

    مُساهمة من طرف ????? في الأحد يوليو 04, 2010 4:32 pm

    اي اكيد رح ينعرض بعد ام بي سي
    كمان توقيت ام بي سي ما بناسب كل الناس
    ف اللي ما بلحقو على ام بي سي بشوفو على اورينت

    ???
    زائر

    رد: Orient في رمضان ... كما تحبها

    مُساهمة من طرف ??? في الإثنين يوليو 05, 2010 12:57 am

    كويس باب الحارة وضيعة ضايعة على شاشة وحدة وتوقيت ضيعة ضايعة حلو
    بانتظار بقية المواعيد
    بس شو حتعرض الدنيا ؟

    ???
    زائر

    الى امينو

    مُساهمة من طرف ??? في الإثنين يوليو 05, 2010 10:29 am

    انا كنت بتمنا من اورينت تاخد ضيعه ضايعه وتعرضو بعد رمضان متل ما عملت ابو ظبي بالجزء الاول Question لانو اذا عملت هيك بيصير عندها شعبيه كبيره والناس رح تنطرو من اسبوع لاسبوع ...... مو احسن ؟؟؟؟؟؟؟؟؟؟؟ bounce Laughing

    ????
    زائر

    رد: Orient في رمضان ... كما تحبها

    مُساهمة من طرف ???? في الإثنين يوليو 05, 2010 2:13 pm

    لك لا شو من اسبوع لاسبوع
    هيك ماحدا بيتفرج عليها الا كل اسبوع مرة
    ام برمضان فهي ضربة كبيرة وموعدو كتير مناسب لكل السوريين بعد الفطور مباشرة
    يعني اورينت عنجد هالسنة غير

    ????
    زائر

    رد: Orient في رمضان ... كما تحبها

    مُساهمة من طرف ???? في الثلاثاء يوليو 06, 2010 1:27 pm

    اخبار كتير حلوة عن الاورينت الغالية
    يارب نشوف شغلات حلوة برمضان وبعد رمضان
    وضيعة ضايعة اكبر ضربة وموعدو ولا احلى يعني بخلص اكل من هون منحضرو من هون
    شكرا شاشة سورية

    ???
    زائر

    بالتوفيق ....

    مُساهمة من طرف ??? في السبت يوليو 17, 2010 1:44 pm

    عندي احساس انو بإذن الله رح تكون القناة برمضان من أروع القنوات السورية ....
    بيكفي وجود أقوى مسلسلين (باب الحارة-ضيعة ضايعة)بغض النظر عن الباقي ...
    والبرامج الجديدة المقررة ... لذلك ندعو لكادرها الفني والإداري بالتوفيق والنجاح المستمر .

    عاشق اسبانيا
    عضو
    عضو

    عدد المساهمات : 94
    تاريخ التسجيل : 11/08/2009

    رد: Orient في رمضان ... كما تحبها

    مُساهمة من طرف عاشق اسبانيا في الثلاثاء يوليو 20, 2010 2:29 am

    مظبوط الدنيا عليها برامج حلوة بس لا تنسوا انو لولا المشرق ما كانت الدنيا ظبطت وضعا

      الوقت/التاريخ الآن هو الأربعاء أغسطس 23, 2017 2:44 am