بعد غياب قسري بسبب ظروف خاصة ... يعود اليكم موقع شاشة سورية بادارته الجديدة لمواكبة الاعلام السوري ... انتظرونا قريبا

    إحتدام المنافسة بين الدنيا و أورينت وغياب شام ... من سيفوز بالرهان ؟؟

    شاطر

    شاشة سورية
    مديـر
    مديـر

    عدد المساهمات : 183
    تاريخ التسجيل : 29/07/2009

    إحتدام المنافسة بين الدنيا و أورينت وغياب شام ... من سيفوز بالرهان ؟؟

    مُساهمة من طرف شاشة سورية في الثلاثاء أغسطس 10, 2010 1:15 am

    إحتدام المنافسة بين الدنيا و أورينت وغياب شام ... من سيفوز بالرهان ؟؟


    موقع شاشة سورية : إقترب الموسم الرمضاني وانتهت القنوات السورية من الاعداد لبرامجها ومسلسلاتها الرمضانية , اللافت هذا الموسم هو المنافسة الشرسة جدا بين القنوات السورية الخاصة ( الدنيا _ اورينت ) لم يعتد المشاهد السوري عليها من قبل , وفي ظل غياب قناة شام التي قامت شركة نايلسات بايقاف بثها لاسباب مالية , بدات كل من الدنيا واورينت بالسباق للحصول على اعلى نسبة مشاهدة لهذا الموسم .
    يقول البعض ان غياب قناة شام من مصلحة كل من الدنيا واورينت , فقناة شام في رمضان لم تكن قناة عادية فهي منافس من الدرجة الاولى وكانت تنافس كبرى القنوات العربية وقد عرضت الموسم الماضي 16 مسلسلا ما بين السوري والمصري وحققت اعلى نسبة مشاهدة في العديد من الدول العربية واستطاعت جذب عدد كبير من المعلنين لشاشتها الا ان افلاس صاحبها وعدم قدرته على دفع المبالغ اللازمة لشركة نايلسات مقابل بث القناة حال دون وجودها هذا العام !




    اما لهذا الموسم يلحظ المتابع للقنوات السورية تحضيرات ضخمة للدخول للشهر الكريم وتقديم الافضل للمشاهد السوري والعربي , البعض يقول بأن الدنيا ستحصل على اكبر نسبة مشاهدة لهذا الموسم من خلال اقوى الاعمال التي ستعرضها على شاشتها والتي هي بمثابة الورقة الرابحة , والدنيا تملك اكثر من ورقة رابحة لهذا العام من خلال الجزء الثاني من المسلسل أهل الراية , وبقعة ضوء بجزئه السابع الذي وعلى الرغم من تراجع جماهيرتيه الا انه ما زال يحصد نسبة جيدة من التابعة , والمسلسل المنتظر أبو جانتي والمتوقع له ان يحقق نسبة متابعة عالية , كما انتجت الدنيا لهذا العام الموسم الثاني من البرنامج ( حلو الكلام ) الذي حقق نجاحا كبيرا في موسمه الاول .



    البعض الاخر يقول بأن اورينت ستحتل المركز الاول من حيث المشاهدة حيث اعدت نفسها جيدا للشهر الكريم بباقة من اضخم الانتاجات السورية لهذا العام , فالورقة الرابحة لاورينت هو حصولها على الجزء الثاني من المسلسل الكوميدي الشهير ( ضيعة ضايعة ) والذي استطاع ان يحقق شهرة واسعة جدا , الا ان المفاجأة الكبرى كانت اعلان القناة عن حصولها على المسلسل بشكل حصري ما جعل القناة تتميز عن باقي القنوات السورية والعربية واصبح لها وضع خاص بين المحطات يبشر بفوزها بالرهان الرمضاني , ومن الاوراق الرابحة في يد الاورينت ايضا مسلسل اسعد الوراق الذي حصل على تقييم ممتاز من قبل لجنة الرقابة والمتوقع له ان يحقق نجاح كبيرا .
    لمحة سريعة قدمها موقع شاشة سورية عن التحضيرات الكبرى من قبل القنوات السورية للدخول بالشهر الفضيل حيث يعقد المشاهد السوري امله بالقنوات الخاصة في ظل الوضع الغريب للتفزيون السوري وقناة الدراما والتي لم تستطع ان تحقق المرجو من انطلاقها بحسب رأي كثير من متابعيها
    وقبل الختام بقي علينا ان نقدم لمحة كاملة عن مسلسلات وبرامج كل من الدنيا وارينت للشهر الكريم


    قناة الدنيا : رمضان الخير عالدنيا غير
    المسلسلات :
    _ مسلسل أهل الراية 2
    _ مسلسل بقعة ضوء 7
    _ مسلسل أبو جانتي
    _ مسلسل صبايا
    _ مسلسل ذاكرة الجسد
    _ مسلسل الصندوق الأسود
    _ مسلسل القعقاع
    _ مسلسل لعنة الطين
    البرامج :
    _ حلو الكلام 2 تقديم رفيق سبيعي
    _ وأحل الله البيع 2
    _ برنامج الطبخ سيريا شيف
    _ على خلق عظيم
    _ نسائم السحر
    _ موقف ميكرو
    _ حبوني بتحيوني
    _ دنيانا
    _ بالاضافة لبرنامج مسابقات

    قناة اورينت : الدراما تتالق في رمضان على اورينت
    المسلسلات :

    _ ضيعة ضايعة ( حصريا عند السادسة مساء )
    _ باب الحارة 5
    _ أسعد الوراق
    _ وراء الشمس
    _ تخت شرقي
    _ كريمو
    البرامج :
    _ دراما تيك برنامج مسابقات خاص بالدراما السورية من تقديم هيفي بوظو
    _ عوافي مع نادين سلامة
    _ مقامات الشام
    _ السيرة النبوية

    وفي الختام يطرح السؤال : بين الدنيا واورينت ... من سيفوز بالرهان ويحتل المركز الاول كافضل قناة سورية خاصة لرمضان 2010 ؟؟
    سؤال تعرف اجوبته في الايام الاخيرة من الشهر الفضيل ... وكل عام وانتم بالف خير

    موقع شاشة سورية

    ????
    زائر

    رد: إحتدام المنافسة بين الدنيا و أورينت وغياب شام ... من سيفوز بالرهان ؟؟

    مُساهمة من طرف ???? في الثلاثاء أغسطس 10, 2010 5:35 pm

    مينح انن عم يشتغلوا
    ياريت لو كل السنة هيك مو بس برمضان
    رمضان كريم عليكم جميعا

    ?????
    زائر

    الحقيقة المّرة

    مُساهمة من طرف ????? في الأربعاء أغسطس 11, 2010 4:59 am

    تلفزيون الدنيا لعبتها الوحيدة هي المسلسلات فقط !!!
    يعني إذا منجيب هالمجموعة المميزة من المسلسلات يلي لح تعرضها الدنيا برمضان ومنعرضها عالتلفزيون السوداني بيحقق المراتب الأولى !

    القصة مو قصة شطارة وحنكة من الدنيا، لاء القصة قصة جيبة معباية وشركة انتاج لولاها ما حدا دار عالدنية

    بعدين خلونا نرجع بالذاكرة شوي لورا، أول مافتحت الأورينت ماعاد حدا حط عالدنيا أبداً ولما نجحت الأورينت صار يلي صار ................

    أما السؤال المهم بقا:
    شو قدمت الدنية على صعيد البرامج ؟؟؟؟؟
    ذهب عتيق ؟؟؟ مين بيتابع هيك برنامج
    ولّلا ذاكرتنا؟؟؟
    أو شو عم بيصير يلي ماكنا نفهم لهالبرنامج راس من أساس
    ولا صباح الدنية الذي لايخلو من السخافة والمواضيع المملة

    أما مذيعي الأخبار وما أدراك مامذيعي الأخبار
    باستثناء مذيعة صحافة صباح الخير اسحاق ، وهناء الصالح والفرا فقط

    كل التوفيق للجميع ولكن النزال لا يكون نزالاً إلا إذا كانت المنافسة متعادلة
    فهمتوا شو بقصد بعادلة "و"

    ?????
    زائر

    الحقيقة المّرة 2

    مُساهمة من طرف ????? في الأربعاء أغسطس 11, 2010 5:09 am

    ياترى شو السر المخبى من تراجع شركة سوريا الدولية لبيعها مسلسل بقعة ضوء للأورينت ؟؟؟؟؟؟؟

    القصة طبيعية، لو اشترت الاورينت بقعة ضوء لكانت مسلسلات الدنيا قمة الملل ولكانت الاورينت امتلكت المثلث الذهبي

    يعني لا باب الحارة ولا ضيعة ضايعة عالدنيا ، أي هدول المسلسلين عالاورينت بكل المسلسلات يلي لح تعرضها الدنيا

    ولو زبطت بقعة ضوء على الاورينت بتصور ماكان حدا حط عالدنيا

    لاء ياربي بس في برنامج حلو الكلام "المثير جداً"

    عاشق اسبانيا
    عضو
    عضو

    عدد المساهمات : 94
    تاريخ التسجيل : 11/08/2009

    رد: إحتدام المنافسة بين الدنيا و أورينت وغياب شام ... من سيفوز بالرهان ؟؟

    مُساهمة من طرف عاشق اسبانيا في الخميس أغسطس 12, 2010 4:15 pm

    صوت الناس وصورة الحياة
    هادا الشعار رفعته قناة الدنيا من يوم اللي فتحت ولحد هلق ما حقّقت 0,01 % منه

    syriani
    عضو جديد
    عضو جديد

    عدد المساهمات : 8
    تاريخ التسجيل : 24/10/2009

    رد: إحتدام المنافسة بين الدنيا و أورينت وغياب شام ... من سيفوز بالرهان ؟؟

    مُساهمة من طرف syriani في الأحد أغسطس 15, 2010 3:41 am

    يالله الله يوفق القناتين وان شاء الله دايما بضلو بهالصورة القوية ولو اني بميل اكتر للاورينت


    ما بقدر طالما عرضت معشوقي ضيعة ضاايعة ما بقدر ما ميل الها

    ?? ???
    زائر

    رد: إحتدام المنافسة بين الدنيا و أورينت وغياب شام ... من سيفوز بالرهان ؟؟

    مُساهمة من طرف ?? ??? في السبت أغسطس 21, 2010 11:19 am

    مرحبا، كل سنة وانتوا سالمين!
    حبيت أرائكون المختلفة عن القناتين (الدنيا و أورينت)أكيد كل وحدة عندها سلبياتها وإيجابياتها! لهيك حابة أعرف رأيكون بالمسلسلات التالية، وبصراحة:

    1- موقف ميكرو (الدنيا)
    2- ضيعة ضايعة (أورينت)
    3- باب الحارة
    4- لعنة الطين

    وشكرا

    ????
    زائر

    رد: إحتدام المنافسة بين الدنيا و أورينت وغياب شام ... من سيفوز بالرهان ؟؟

    مُساهمة من طرف ???? في الأحد أغسطس 22, 2010 3:46 am

    موقف ميكرو مو ناجح بنوب على الرغم من ان فكرته جيدة بس بايخ كتير
    ضيعة ضايعة ورقة رابحة بايد اورينت وفرضت نفسا اورينت بقوة من خلال هالعمل
    باب الحارة لنشوف شو اخرتا بس صار مسلسل معلوك لانو في شي مية قناة عم تعرض الجزء الخامس
    لعنة الطين براي الشخصي اكل ضربة لانو عم يتعرض بنفس توقيت ضيعة ضايعة

      الوقت/التاريخ الآن هو السبت مارس 25, 2017 3:39 pm